Casa de Traba

Edificación que data do século XIX, situada ao sur do lugar de Traba. Conxunto composto por unha edificación principal dedicada a vivenda e varias edificacións auxiliares. De planta en L e dous andares, resolta con muros de cachotaría con remates en cantaría e con cuberta a catro augas de tella. A finca está elevada con respecto ao nivel da rúa, polo que a edificación principal presenta dous andares na fachada oeste e tres fronte ao acceso principal desde a rúa. Balcón cuberto na fachada oeste con base de pedra e varanda metálica, cun soportal na fachada principal ao que se accede mediante escaleiras de pedra. Todas as carpinterías son de madeira. A edificación conta con outro acceso na fachada oeste, a través dunha escaleira de pedra.