Casas da Mámoa

Conxunto dúas vivendas acaroadas, situadas ao norte do lugar da Mámoa, nunha finca de grandes dimensións delimitada por un muro de peche de cachotaría de granito, con accesos desde a rúa e na parte traseira da finca, xunto ao Cruceiro da Mámoa. Edificacións de planta rectangular de dous andares, con cuberta a dúas augas de tella sobre estrutura de madeira, e muros de cachotaría de granito enfuscados e pintados con remates en cantaría nos recercados e peitorís. Fachada principal á rúa de composición sinxela, con portas alinteladas de acceso e ocos rectangulares de pequenas dimensións. Balcón de pedra con varanda metálica na fachada lateral da edificación situada ao sur, e fachada traseira á finca de composición similar á principal.