Casa de Telmo

Edificación do casco histórico de Rianxo, en esquina situada nun extremo da Praza de Manuela, na Ribeira.

Planta rectangular e dous andares, resolta en cantaría de granito e cuberta a tres augas de tella. Alzados de sinxela composición, compostos por pequenos ocos rectangulares con carpintería de dúas follas de madeira e aluminio. Fachada traseira con escudo e fiestra balconeira lateral sobre un dos accesos e portón alintelado de grandes dimensións nun extremo. Ten outro acceso en planta baixa na fachada ao mar e dúas ventás no segundo andar na fachada lateral.