Fonte de Zabala

Atópase no Camiño de San Xulián, no muro de contención da estrada N-550. Ten dous canos que verten a auga sobre unha pía de pedra rectangular e obra recente. Hai anos a fábrica de Gaseosas Zabala collía nela a auga que precisaba para a fabricación das mesmas, de aí o nome co que se coñece na actualidade. Ademais tamén abastecía as fábricas de madeira que había no Porto de Cesures como a Crufa, Balado, Bouzas... As augas desta fonte son coñecidas pola súa gran calidade.