Fonte de San Xulián

Atópase na rúa do Pilar, en San Xulián. Consta dun só cano que verte directamente sobre a rúa. Á beira do cano, hai unha pedra colocada horizontalmente e incrustada no muro, que se empregaba para pousar as sellas. Segundo fontes locais, inicialmente o manancial atopábase un pouco máis ao sur, mais quedaba a un nivel máis baixo que a rúa e non era fácil coller a auga. Por este motivo, cando se enlousou a rúa, decidiron trasladar o cano ao lugar onde se atopa na actualidade. Aínda se pode ver outro pousadoiro para a sella no lugar onde se atopaba orixinalmente.