Pombal da Viña

Nun dos outeiros dos arredores do lugar de Imo.

Pombal de planta circular e muros de cachotaría, agás a porta de acceso que é de perpiaño. Porta con trabatel. Fachada encintada con morteiro de cemento, e lousas que sobresaen do muro á altura dos buratos existentes para a entrada e saída das pombas. Tellado cuberto de alcatrán por mor das humidades. Presenta tornarratos no interior. Mide 13 metros de perímetro e 4 de altura.

Segundo a ficha do Inventario de Patrimonio, dataría do ano 1780, con algunha reserva. Parece que en tempos foi todo un símbolo daqueles paraxes.