Reloxo de sol Nº 2 de Vigo

Situado no pinche traseiro dun hórreo de Vigo, situado nunha finca privada, na parte traseira da vivenda á que pertence, a casa nº 10, ao pé da AC-305.

Segundo exemplar de reloxo de sol localizado na aldea de Vigo, ambos os dous situados en hórreos. Reloxo de granito exento de forma cuadrangular coas esquinas redondeadas, e coa parte superior rematado nun arco convexo do que sae un remate en forma de guitarra rematado nunha gran bola. Asenta sobre unha base cuadrangular. Conserva o gnomon, sendo este unha placa triangular, e as liñas horarias. Reloxo de sol vertical ortomeridiano. Orientado ao sur.

En 2010, di a propietaria que o hórreo debe ser antigo, que lle acorda toda a vida alí.