Reloxo de sol Nº 1 de Bustelo

Situado no penal sur dun hórreo de Bustelo.

Curioso exemplar de reloxo de sol. O reloxo, de esfera circular, é unha pedra de granito acaroada a un pináculo que reproduce unha construción arquitectónica, unha torre, rematada en cúpula e que asenta sobre unha base cuadrangular cos ángulos superiores en chafrán. Non conserva o gnomon, o cal sería unha lámina triangular. As liñas horarias non se ven, debido ao desgaste da pedra e a que esta está cuberto de fungos. Aproximadamente mide uns 30 centímetros de diámetro. Reloxo de sol vertical ortomeridiano. Orientado ao sur.

Segundo a ficha do Inventario de Patrimonio, dataría de finais do século XIX. Parece que foi nese século cando este tipo de construcións tiveron máis auxe.