Hórreo de Vigo

Localizado no xardín traseiro da casa á que pertence, moi preto doutro.

Cimentado sobre unha repisa de cachotaría de granito duns 1,20 metros de altura. Os soportes son catro cepas de pedra. O tornarratos é unha peza corrida ao longo de todo o corpo do hórreo. Ten tres claros, con balaústres de madeira e dúas cintas, cunha porta de madeira no lateral oeste. Non ten linteis. Columnas e cornixa de pedra, esta última moldurada, a cal separa o penal traseiro do seu pinche. Penal dianteiro de pedra con porta de madeira e penal traseiro tamén de pedra sen fendas de ventilación. Ten sobrepenas nos dous pinches, ambos de pedra. Cubrición de tella do país. Remates: cruz latina alta florenzada de sección cilíndrica sobre escocia e pináculo piramidal sobre base cuadrangular sen bóla. Orientado ao NW.

No 2010, din os propietarios que foron os seus avós os que fixeron este hórreo, que terá máis de cen anos.