Hórreo de Tallós

Situado entre dous pistas asfaltadas, detrás da Escola da Emigración de Tallós.

Exemplar de madeira. A cimentación é unha repisa de cachotaría de granito que fai as veces de muro delimitador dun camiño, de 1,20 metros de altura. Os soportes son tres cepas de pedra, as cales asentan aínda sobre unha pedra rectangular cada unha. Os tornarratos son pedras transversais sobre cada cepa. Ten dous claros, con balaústres de madeira e dúas cintas, con porta de madeira no lateral oeste. Linteis, columnas e cornixa de madeira. Penais e pinches de madeira, con porta do mesmo material na fronte norte. O penal traseiro ten dúas cintas. As trabes son de madeira tamén, e a cubrición de tella do país. Os remates son de pequeno tamaño, de pedra, tratándose dunha cruz latina de sección cuadrangular e un pináculo piramidal estilizado. Orientado ao NE.

No 2010,  aos veciños acórdalles toda a vida o hórreo, din que debe ser antigo.