Hórreo de Eiró

Situado nunha propiedade pechada privada, actualmente abandonada.

A cimentación é unha repisa baixa de cachotaría de granito, duns 30 centímetros de altura. Os soportes son tres cepas de pedra encintadas con cemento, asentadas aínda sobre unha pedra rectangular cada unha. Os tornarratos son pedras transversais sobre cada cepa. Ten dous claros, con balaústres de madeira e dúas cintas, con porta de madeira no lateral oeste. Linteis e cornixa de madeira e columnas de pedra. Os dous penais son de pedra e madeira, aínda que o do lado sur non conserva a madeira, sendo substituída por ladrillo, e ademais tampouco ten pinche, senón unha cornixa de madeira. O outro penal si conserva o peche de madeira, con dúas cintas e un pinche de madeira. Cubrición de tella do país. Non ten remates. Orientado ao NE-SW.

No 2010, os veciños non souberon concretar a antigüidade, mais acórdalles o hórreo toda a vida