Hórreo de Traxeito

Nunha finca privada dedicada a viñas.

Cimentado nunha repisa de cachotaría de granito, duns 2,5 metros de alto no lateral oeste. Os soportes son catro cepas de pedra, cos gabinetes pechados con ladrillo, con malla metálica e con portas de aluminio no lateral oeste. O tornarratos é unha peza corrida ao longo do corpo do hórreo. Ten tres claros, os cales non conservan a madeira, estando pechados con ladrillo, cunha porta de madeira pintada de vermello no lateral oeste enmarcada con dúas columnas de pedra. Non ten linteis. Columnas de pedra e cornixa refeita en cemento. Penal dianteiro de pedra con porta de madeira pintada en vermello. Penal traseiro tamén de pedra, sen ventilación. Sobrepenas nos dous pinches, ambos de pedra. A cubrición é de tella do país. Remates: cruz latina alta florenzada con botón central, de sección cuadrangular, sobre escocia e esta sobre base cuadrangular; e pináculo piramidal. Orientado ao NE.

No 2010, os veciños non concretan a antigüidade, aínda que din que debe ser antigo.