Hórreo de Rialiño

Na finca traseira dunha vivenda particular, no núcleo de Rialiño.

Cimentado sobre unha repisa alta de cachotaría de granito, duns 60 centímetros de altura. Na parte dianteira, acaroadas á repisa, presenta tres grades de pedra. Os soportes son tres cepas de pedra, estando a dianteira labrada nos laterais a modo de pequenas columnas. Os tornarratos son pedras transversais con extremos redondeados sobre cada cepa. Ten dous claros, con balaústres de madeira e dúas cintas, cunha porta de madeira no lateral leste. Columnas de pedra e cornixa de madeira. Penal dianteiro con porta de madeira e penal traseiro de pedra e madeira con dúas cintas. Os pinches son de madeira. Cubrición de uralita. Non conserva os remates. Orientado ao NE.

Pode ser tamén de certa antigüidade.