Hórreo de Lestrobe

Moi preto da chamada Eira dos Hórreos, ao NE. 

Cimentado sobre unha alta repisa de cachotaría de granito, aproveitado como muro de peche da finca, duns 2 metros de alto. Esta repisa presenta partes reparadas con cemento e ladrillo, e presenta unha grande moldura cilíndrica no lado leste. O corpo do hórreo asenta sobre unha única plataforma corrida que fai as veces de tornarratos, sen soportes. Ten dous claros, con balaústres de madeira, pintada de azul claro, e dúas cintas. Non ten linteis. Columnas e cornixa de pedra, esta última moldurada. Penal frontal de pedra con porta de madeira e penal traseiro tamén de pedra con cinco fendas de ventilación horizontais. Ten sobrepenas nos dous pinches, ambos de pedra. Cubrición con tella do país. A modo de remates, cruz latina baixa con extremos florenzados sobre unha base cuadrangular, no penal dianteiro, e fermoso pináculo alargado rematado en bola no lado oposto. Orientado ao NE.

No 2010, os propios veciños outórganlle unha considerables antigüidade (tería máis de cen anos).