Hórreo de Paizal

Nunha finca privada pechada, pertencente ao solar nº 16 do núcleo, na estrada que, desde Rialiño, vai cara Paizal e Traxeito.

Cimentado sobre unha repisa baixa de bloques de granito. Os soportes son tres cepas de pedra. O tornarratos é unha única peza corrida ao longo de todo o corpo do hórreo. Ten dous claros, con balaústres de madeira e dúas cintas, cunha porta de madeira no lateral leste. Columnas e cornixa de pedra. Penal da fronte de pedra con porta de madeira e penal traseiro tamén de pedra sen fendas de ventilación. Ten sobrepenas nos dous pinches, ambos de pedra. Cubrición de tella do país. Remates: cruz latina alta florenzada, parece que refeita en partes con cemento, sobre base en dobre escocia; e pináculo piramidal moi estilizado. Orientado ao NW.

No 2010, unha veciña comenta que é moi antigo, e que o trouxeron de Traxeito á actual localización, sendo a orixinal o lugar coñecido como a Eira de Traxeito.