Hórreo de Teaio

No Quinteiro de Abaixo, nunha finca privada pechada, preto douro hórreo.

A cimentación debe ser unha repisa de cachotaría de granito, como o resto dos hórreos de Teaio. Os soportes son cinco cepas de pedra. Os gabinetes están pechados con ladrillo e cemento, para usos domésticos. Tornarratos corrido ao longo do corpo do hórreo. Ten catro claros, pechados con ladrillo e cunha porta de madeira no lateral oeste enmarcada por dúas columnas de pedra. Os esquinais son de pedra, con oito fendas de ventilación horizontais. Linteis, columnas e cornixa de pedra. Os dous penais son de pedra, con 18 fendas de ventilación horizontais dispostas en dúas ringleiras de 9 fendas cada unha. Sobrepenas molduradas nos dous pinches, ambos de pedra. No pinche do norte é visible unha inscrición cunha data, aínda que algo borrosa polo desgaste da pedra: AÑO 1917 ou 1919, ou incluso 1907 ou 1909.  Cubrición de uralita. Remates: non conserva a cruz, só a base en escocia e o arranque da mesma, a cal estaría orixinalmente flanqueada aos lados por pequenos pináculos, dos que só se conserva a base cuadrangular nos ángulos exteriores do pinche; e tres pináculos piramidais estilizados no extremo sur, un en cada ángulo do pinche, o do centro de maior tamaño e rematado en bóla. Orientado ao NE-SW.

De principios do século XX, sendo visible no pinche do hórreo unha data, aínda que algo gastada, léndose 1917 ou 1919, ou incluso 1907 ou 1909.