Hórreo de Paizal

Nunha finca privada pertencente ao solar nº 8 do núcleo, ao pé da estrada que, desde Rialiño, vai cara Paizal e Traxeito

Cimentado sobre unha repisa de cachotaría de granito duns 2 metros de altura. Os soportes son tres cepas de pedra encintadas con cemento. Os tornarratos son pedras transversais sobre cada cepa. Ten dous claros, con balaústres de madeira e dúas cintas, cunha porta de madeira no lateral leste. Columnas de pedra e cornixa de madeira. Penal da fronte de pedra con porta de madeira e penal traseiro de pedra e, orixinalmente, de madeira, aínda que actualmente o espazo da madeira está tapado con cemento. Ten sobrepenas nos dous pinches, ambos de pedra. Cubrición de tella do país. Remates: non conserva a cruz, só parte da base partida; e pináculo piramidal sen bóla. Orientado ao NE.

No 2010, di unha veciña que é antigo, que ela xa non lle acorda facer.