Hórreo de Manselle

Situado no patio privada da casa á que pertence, o nº 46 do núcleo, na zona coñecida como O Souto.

A cimentación é unha repisa alta de cachotaría de granito. Os soportes son tres cepas de pedra, molduradas na parte superior. O gabinete do leste está pechado con ladrillos. O tornarratos é unha peza corrida ao longo do corpo do hórreo. Ten dous claros, pechados con ladrillo. Linteis, columnas e cornixa de pedra. Penal dianteiro de pedra con porta de madeira, e penal traseiro de pedra con oito fendas de ventilación horizontais. Sobrepenas nos dous pinches, ambos de pedra. No pinche frontal parece lerse unha data: (...)93. A cubrición é de tella do país. Remates:  cruz latina alta florenzada con botón central e ángulos en chafrán, sobre escocia; e pináculo piramidal rematado en bóla achatada e angulosa e sobre base cuadrangular. Orientado ao SE.

Por tipoloxía parece ter máis de cen anos. De feito, no pinche frontal parece lerse unha data, aínda que está moi borrada: (...)93.