Hórreo de Vigo

No interior do patio traseiro dunha vivenda particular.

Cimentado sobre unha repisa de cachotaría de granito de aproximadamente 1 metro de altura. Os soportes son tres cepas de pedra. Os gabinetes están pechados con madeira. O tornarratos é unha peza corrida ao longo de todo o corpo do hórreo. Ten dous claros, con balaústres de madeira e dúas cintas, cunha porta de madeira no lateral leste. Linteis, columnas e cornixa de pedra. Penal da fronte de pedra con porta de madeira e penal traseiro tamén de pedra con sete fendas de ventilación horizontais. Ten sobrepenas nos dous pinches, ambos de pedra. Cubrición de tella do país. Remates: no penal frontal, cruz florenzada sobre base discoide e esta sobre pedestal cuadrangular; e pináculo piramidal rematado en bóla no penal traseiro. Orientado ao NE.

No 2010, di o propietario que foi feito polos seus bisavós. Tería, pois uns cen anos.