Hórreo de Pexegueiro

Situado nunha finca privada pechada, onde actualmente non vive ninguén.

A cimentación é unha repisa de cachotaría de granito, duns 2 metros de altura, cuberta de vexetación. Os soportes son tres cepas de pedra, con tornarratos de pedra transversal sobre cada cepa. Ten dous claros, con balaústres de madeira e dúas cintas. Linteis e columnas de pedra, e cornixa de madeira. Penal traseiro de pedra e madeira, con dúas cintas, sen pinche. Cubrición de tella do país. Non conserva os remates. Orientado ao S.

No 2010, di un veciño que é moi antigo, que tería bastante máis de cen anos.