Hórreo de Lestrobe

No Barrio de Abaixo, nunha finca pechada, fronte a outros dous hórreos.

Cimentado sobre unha repisa baixa de cachotaría de granito. Os soportes son tres  cepas de pedra encintadas con cemento. O tornarratos é unha única plataforma corrida ao longo de todo o corpo do hórreo. Ten dous claros, balaústres de madeira e dúas cintas. Non ten linteis. Columnas e cornixa de pedra, esta última moldurada. Penal frontal de pedra con porta de madeira e penal traseiro tamén de pedra. Ten sobrepenas nos dous pinches, ambos de pedra. Cubrición con uralita e tella do país por riba. Os remates son unha cruz latina cos extremos florenzados e sobre unha base cuadrangular, no penal frontal, e pináculo estilizado no outro extremo. Orientado ao NE.

No 2010, os veciños din que ten moita antigüidade, aínda que non precisaron máis.