Hórreo de Lestrobe

No Barrio de Abaixo.

Hórreo mixto restaurado, cimentado sobre repisa de cachotaría de granito duns 40 centímetros de altura. Os soportes son catro cepas de pedra, encintadas con cemento. O tornarratos é unha única plataforma corrida ao longo do corpo do hórreo. Ten tres claros, con balaústres de madeira e dúas cintas, e unha porta de madeira no lateral leste. Columnas e cornixa de pedra. Penal frontal de pedra con porta de madeira. Ten sobrepenas nos dous pinches, ambos de pedra. Cubrición con tella do país. Os remates son unha cruz latina alta no penal frontal e pináculo moi estilizado no outro extremo. Orientado ao NE.

Pola tipoloxía puidera ter certa antigüidade, de principios do século XX.