Hórreo de Castro

Situado no lugar do núcleo coñecido como Souta, nunha pequena parcela aberta ao pé dunha pista asfaltada, actualmente abandonada e chea de vexetación.

Cimentado sobre unha repisa baixa de cachotaría de granito. Os soportes son tres cepas de pedra. Os tornarratos son pedras transversais sobre cada cepa. O corpo do hórreo é de madeira, presentando dous claros, con balaústres de madeira e unha cinta. Ten dúas portas de madeira no lateral leste. Linteis, columnas e cornixa de madeira. O penal dianteiro ten as columnas de madeira e presenta unha ampla porta de chapa metálica. O penal traseiro é todo de madeira, con unha cinta. Os pinches son ámbolos dous de madeira. A cubrición é de uralita, non conservando os remates. Orientado ao SE.

Segundo a ficha do Inventario de Patrimonio, o emprazamento podería ser de 1860, aínda que é imposible determinar a cronoloxía. Parece que foi desprazado.