Hórreo de Dodriño

Nunha finca pechada privada, na entrada do núcleo.

Cimentado sobre un muro alto de cachotaría de granito. Os soportes son tres cepas de pedra, cos gabinetes pechados con ladrillo. O tornarratos é unha única peza corrida ao longo de todo o corpo do hórreo. Ten dous claros, pechados con ladrillo, cunha porta de madeira enmarcada por dúas columnas de pedra no lateral leste. Non ten linteis. Columnas e cornixa de pedra. Penal dianteiro de pedra, con porta de madeira, e penal traseiro de pedra sen ventilación. Ten sobrepenas nos dous pinches, ambos de pedra. Cubrición de tella plana. Remates: cruz latina alta sobre base en escocia e pináculo piramidal. Orientado ao NE.

No 2010, os veciños non souberon concretar a súa cronoloxía, mais pola súa factura podería andar polos cen anos.