Hórreo de Vigo

Nunha finca privada, moi próximo a outro hórreo, pertence as casas nº 14 e 15 na AC-305

Cimentado sobre unha repisa de cachotaría de granito encintado con cemento, duns 1,10 metros de altura. Os soportes son catro cepas de pedra. Os gabinetes están pechados, agás o de diante, con malla metálica. O tornarratos é unha pedra transversal sobre cada cepa. Ten tres claros, con balaústres de madeira e dúas cintas, cunha porta de madeira no lateral leste. O chan do corpo do hórreo é de madeira. Linteis e columnas de pedra e cornixa de madeira. Penal da fronte de pedra con porta e pinche de madeira, e penal traseiro tamén de pedra nas esquinas e pechado con ladrillo, con pinche de cemento. Cubrición de uralita. Non conserva os remates. Orientado ao NE.

No 2010, os propietarios non puideron concretar a cronoloxía deste hórreo, mais din que é antigo. A súa tipoloxía tamén permite pensar nunha certa antigüidade para este hórreo.