Hórreo de Bexo

Localizado na Aldea de Abaixo, na rúa Nova, no interior dunha propiedade pechada, a nº 35.

Parece que carece de repisa ou plataforma. Os soportes son seis pés de sección cuadrangular. O tornarratos é unha pedra transversal sobre os dous pares de pés dos extremos, mentres que sobre o par de pés do centro é unha pedra circular sobre cada columna. Ten dous claros, con balaústres de madeira e unha cinta, coa porta de entrada no lateral oeste, cara á propiedade. Linteis e columnas de pedra, cornixa de madeira. Os dous penais son de pedra, tendo o do norte cinco fendas de ventilación horizontais. Sobrepenas nos dous pinches, ambos de pedra. Armazón de madeira e cubrición de uralita. Non conserva os remates. Orientado ao NE. 

No 2010, a propietaria comenta que este hórreo é moi antigo, que xa llo deixaron os seus avós aos seus pais. Tería máis de cen anos.