Cruz da Estivadiña

Está localizada nunha contorna rural, no cruce de tres camiños. Trátase dunha cruz simple de granito, con 55 centímetros de base e 1,35 metros de altura. Non ten baseamento, pedestal de base prismática coas arestas da cara superior en chafrán, cunha inscrición dentro dun recadro (ilexible). Non ten varal nin capitel, e a cruz é sinxela, de tipo latina, cos ángulos rematados en chafrán e os extremos de sección cuadrangular.

Data de 1813. Antigamente empregábase como lugar de soterramento de bebés non bautizados. Hoxe segue a ser un lugar de culto relixioso e parada de procesións. A Carreira das Bestas era o vello camiño sacramental que baixaba desde onde está o Cruceiro de Don Pedro, na Cruz, até O Rialiño. O cruceiro cambiouse de sitio por unha ofrenda e roubáronlle a cruz varias veces.