Cruceiro do Soutiño

Na actualidade forma parte do muro de peche de propiedade dunha vivenda privada do núcleo, ao longo da estrada AC-307.

Cruceiro de granito. Non ten baseamento. O pedestal é cuadrangular, remata con chafráns. O varal é de sección octogonal, comeza e remata cadrado. O capitel é cúbico. A cruz é de sección cuadrangular, con brazos con chafráns, con remates florenzados con botón central.

Ten máis de 100 anos. Tradicionalmente, o cruceiro estaba situado nun cruce de camiños, mais co paso do tempo chegou a formar parte da estrutura do muro de peche dunha vivenda particular. Era punto de parada das procesións e dos enterros.