Cruceiro de Lestrobe

Na actualidade forma parte do muro de peche dunha finca do núcleo, ao longo da estrada AC-307. Ao lado do solar nº 4 da Rúa Fortunato Cruces.

Cruceiro de granito e metal (a cruz). Non ten baseamento. O pedestal é cuadrangular cos ángulos superiores chafranados. O varal é de sección octogonal, moi erosionado. Non conserva o capitel. A cruz é de ferro, latina, cravada no fuste.

Seguramente se trate dun cruceiro reaproveitado para a construción dun peche dunha finca. Descoñécese a súa orixe e a súa cronoloxía.