Cruceiro do Botafal

No encontro de dous camiños, na beira da rúa que atravesa o núcleo.

Cruceiro de granito e cemento. Mide 5 metros de alto por 1 de ancho. O baseamento é unha grade de sección cuadrangular. O pedestal é unha basa prismática con arestas da cara superior matadas. O varal é un fuste de sección cadrada en inicio e octogonal no resto. O capitel é sinxelo, con parte cónica e prismática. Parece de cemento. A cruz é de sección cadrada, con Cristo no anverso e a Virxe oradora no reverso.

Segundo a ficha  do Inventario de Patrimonio, tería máis de 100 anos. No 2010, segundo contan os veciños, hai uns 3 meses un coche ou tractor chocou co cruceiro e moveu a cruz, a cal foi retirada polo Concello para a súa restauración. Unha veciña comentou tamén que pensaba que este cruceiro estaba situada antigamente nunha pista ao lado da actual escola, sendo coñecido como o Cruceiro da Canle, o cal foi cambiado de sitio. Os cortexos fúnebres paraban ao pasar diante.