Cruceiro do Centro Social de Abalo

Cruceiro moderno do tipo de crucifixo, que carece de chanzos, presentando como todo alicerce unha base cúbica coas arestas superiores rebaixadas. Varal cilíndrico con vultos que amosa pola parte dianteira a imaxe dunha santa coa palma do martirio na man dereita. Capitel de catro lados curvos con cabeciñas nas partes centrais e espirais nas esquinas. Cruz cilíndrica, con vultos, con imaxes por ambas caras. Por diante: Cristo exento, baixo un gran cartel de INRI enrolado, de brazos en ángulo, presentando a man dereita cos dedos índice e maior estendidos como para abenzoar e, a esquerda, pechada, nó do pano á súa dereita e pé desde mesmo lado agochando o esquerdo. Por detrás imaxe da Virxe de pé cuberta por un manto e sobre pousadoiro en forma de pirámide invertida.