Cruceiro dos Penedos

Parte dunha base cúbica coas arestas rebaixadas que sostén un varal, primeiramente rectangular no seu primeiro cuarto, logo octogonal descendente, pois afíase a medida que toma altura. Coróase por un capitel de catro lados curvos cunha vieira no centro de cada un afastada por espirais nas esquinas. Cruz rectangular, con bolas nos extremos. Amosa por diante un Cristo de tres cravos, cos brazos paralelos ao chan e as mans pechadas, ao nó do pano á dereita e o pé dereito por riba do esquerdo. Mira á fronte, cara a canle do río Ulla, por onde pasa a procesión dos romeiros. Por detrás Virxe de pé coas mans en oración, sobre pousadoiro cupuliforme, que semella unha nube. Este cruceiro doouno o Cardeal Arcebispo de Santiago, Fernando Quiroga Palacios, que tamén doara a número V da Punta Grandoiro, en San Xens de Bamio.