Cruceiro da Ermida de San Cibrán

Cruceiro do tipo de crucifixo, localizado a uns 30 metros ao leste da Ermida de San Cibrán, sobre unhas laxes onde está asentado este cruceiro duns 4'50 metros de altura. Está composto dun calvario de dúas gradas, baseamento, fuste de sección octogonal, capitel de volutas, e crucifixo figurado. Represéntase neste, por diante, vendo cara o recinto, a Cristo crucificado e morto, e pola parte posterior labrouse unha Piedade. Cronoloxicamente esta obra parece remontarse ao século XVIII, se se valoran os riscos estilísticos e de pátina que ofrece o monumento.

Os carballos da Ermida de San Cibrán son ofrendas das devotas e devotos, un rito que comezou séculos atrás. Estes son testemuñas das moitas procesións do santo milagreiro no día da festa que se celebra o Domingo de Pentecostes. Antigamente, celebrábase o luns seguinte, posto que coincidía co día número cincuenta da chegada do Espírito Santo.