Igrexa de San Mamede de Abalo

A comezos do século XVII, a visita do Cardeal Jerónimo del Hoyo deixaba constancia da modestia deste templo e da existencia de dúas igrexas veciñas. Templo con planta de cruz latina, capela bóveda de canón e liña de imposta, arco triunfal de medio punto sobre pilastras caixeadas, cruceiro con bóveda de luneto e transeto con bóveda de aresta, arcos que descansan en pilastras caixeadas, nave de dous treitos con bóveda de canon e arcos faixóns sobre ménsulas con liña de imposta.

A fachada preséntase alintelada e recercada de molduras. Sobre ela, frontón triangular partido, cunha fornela no medio. Aos lados remate en pináculos e en medio espadana con vano duplo, remata con pináculos, cruceiro destacado en planta con cuberta e catro augas. Sancristía acaroada ao lado dereito da capela, cuberta plana e gárgolas ao exterior. Inscrición en 1729. Fornela coa silueta dun cabalo que se relaciona co culto ancestral. Á dereita da entrada á igrexa hai dous reloxos de sol.