Casa da Barreira

Conxunto levantado no ano 1767 que está formado por capela, casa principal, antigas cortes, edificio complementario destinado a almacén, despensa e lavandería, comedor exterior, hórreo de seis claros integramente labrado en pedra e pombal. Cóntase que aquí había un pequeno mosteiro de monxes.

Esta casa grande sitúa unha serie de ocos, poucos e de pequeno tamaño, de forma regular ao longo de toda a súa fachada. De planta cadrada, dúas alturas e cuberta a tres augas, destacando a solaina orientada ao sur que serve de acceso ao piso residencial.