Casa de Barral

Vivenda tradicional localizada no núcleo de Barral que presenta unha planta en forma de L e dous andares levantados en cantaría de granito. Aparece rodeada por un muro de cachotaría que delimita unha finca de pequeno tamaño que acolle no seu interior un hórreo mixto de tres claros. Os seus muros acollen unha serie de vans de tamaño semellante que seguen un ritmo regular ao longo das súas fachadas.

O elemento máis salientable da vivenda é a escalinata dun único tiro que serve de acceso ao piso residencial, destacando tamén o barral que se acaroa polo leste á casa, prolongando a súa planta de escuadra.