Mámoa do Agro do Conde

Xacemento situado na parroquia de Santa María de Bemil (Caldas de Reis), cuxa contorna de protección afecta ao Concello de Catoira. Trátase dun túmulo megalítico duns 20 metros de diámetro e 1,5 de altura. Presenta un furado de violación central duns 4 metros de diámetro e 1 de fondo. Sobre a superficie do túmulo aprécianse restos dunha coiraza de recubrimento formada por pedras de granito de mediano tamaño. A uns escasos 5 metros ao norte da mámoa pasa unha pista forestal.