Cruceiro de San Miguel de Valga

Cruceiro do tipo de crucifixo con baseamento de planta cadrada e dous chanzos. Pedestal cúbico, cun rebaixe graduado no lado norte. Varal monolítico, aínda que partido, foi pegado novamente. Capitel que remarca o seu arranque por medio dun colariño. Presenta un corpo troncopiramidal invertido esculpido con anxos, volutas e follas. Cruz latina de sección cilíndrica. O conxunto remata coa cruz de sección cilíndrica con nós na que aparecen as imaxes de Cristo crucificado baixo cartela de INRI, acompañado de San Francisco, ao que lle falta a cabeza, abrazándoo. No reverso da cruz vemos a imaxe da Virxe sobre unha peaña en con forma de anxo.