Cruceiro da Capela de San Paio

Cruceiro do tipo de crucifixo, vinculado á Capela de San Paio, con baseamento de planta octogonal composto por catro chanzos. Pedestal de planta octogonal. O varal, monolítico, ten unha base de sección cuadrangular e desenrolo oitavado por rebaixe das arestas. No corpo interior da cara sur hai un retablo de ánimas labrado sobre a mesma pedra, actualmente moi erosionado. Capitel sobre colariño curvo, corpo interior cilíndrico e ábaco cos lados lixeiramente curvos nun esquema xeral de planta cuadrangular. A cruz é latina, de sección circular. No anverso preséntase a escena da Crucifixión e o reverso contén a imaxe da Virxe de pé.