Petróglifo do Gandarón

Localizado durante os traballos de control da obra do gasoduto Valga-Tui, foi adscrito erroneamente ao Concello de Caldas de Reis.

A revisión da rocha na que se sitúan as cazoletas, dá como resultado a detección dunha nova, co que na zona superior da rocha obsérvanse un total de catro. Destas catro cazoletas, dúas presentan un diámetro de 8 centímetros, a terceira ten 6 centímetros e a cuarta presenta unhas dimensións de 5 centímetros de diámetro exterior e 3 centímetros de profundidade.