Caseta de pescadores da Punta do Cabo

O ben sitúase integrado dentro do muro perimetral dunha propiedade privada situada na Punta do Cabo, á beira do río Ulla. Distínguense dous volumes diferenciados no ben, un maior que outro. Ambos elementos están construídos con muros da mesma cachotaría que o muro perimetral da propiedade privada e con cubertas a unha auga de tella árabe. A peza maior ten o seu acceso pola cota inferior do muro e a menor pola superior, quedando ao nivel do resto da propiedade.