Panteón do Cemiterio de Santa María de Leiro

Panteón situado no adro da Igrexa de Santa María de Leiro, xunto á porta de acceso ao cemiterio. Panteón de seis nichos dispostos en tres filas, sobre unha estrutura de cantaría de granito. Pilastras e semipilastras acanaladas e cornixas de remate molduradas. Corpo superior de grandes dimensións apoiado sobre esferas de granito e pináculos na cornixa, coroado por unha cruz de ferro sobre un pedestal con decoración vexetal.