Caseta de pescadores da Praia da Torre

Localízase no bordo litoral da Praia da Torre, no parque homónimo. Trátase dunha edificación de planta rectangular, composta por un único volume cuberto a dúas augas. A construción executouse mediante muros de carga de cachotaría de pedra e cuberta de tella e engadidos puntuais en bloque de formigón, testemuño das modificacións feitas ao longo do tempo. Foi empregada orixinalmente como almacén de aparellos e ferramentas de pesca, así como vivenda ou refuxio ocasional para os mariñeiros.