Cruceiro do Souto

O Cruceiro do Souto ou Cruceiro de Outeiro é do tipo de capeliña situado á beira da estrada que une os lugares de Traba e A Capela polo norte, xunto ao regato do Batán. Fuste octogonal e groso sobre o terreo, con remates cadrados na parte superior que soportan a capeliña, actualmente sen imaxe. A capela é lisa, de base moldurada, teito plano e tellado a catro augas. Contén no interior unha imaxe da Virxe co Neno. O Cristo crucificado ten as mans pechadas, pergameo de INRI e carece de coroa de espiñas. Remate superior de forma troncopiramidal, que soportaba a cruz. Foi estudado por Castelao en "As cruces de pedra na Galiza", publicado pola Editorial Nós en Bos Aires, no 1950.