Cruceiro do Cemiterio de Santa María de Isorna

Cruceiro de capela construído en granito, formado por unha plataforma cuadrangular de tres chanzos, sobre o que se asenta a columna de sección octogonal que comeza e remata en forma cadrada. A parte superior da columna está decorada con cunchas de vieira e caras, unha en cada esquina.

A capeliña está decorada con figuras xeométricas e unha cabeza de anxo con ás aos lados na parte frontal. No seu interior ningunha figura. Sobre a capela hai unha cruz de sección rectangular moldurada en toda a súa superficie e terminada en forma potenzada.

Es cruceiro localizábase anteriormente na Praza de Faustino Rey Romero, en Sestelo, xusto onde está hoxe en día o Cruceiro da Praza.