Cruceiro do Campo da Ponte

Cruceiro de capeliña situado nun espazo verde xunto ao río Té, que antigamente era o lugar que acollía unha especie de mercado de gando. Plataforma de dous chanzos sobre a que asenta directamente un fuste composto por tres pezas de granito coas arestas chafranadas, sen pedestal. Capeliña lisa sen imaxe, con cornixa decorada con anxos e remate troncopiramidal sobre o que apoia unha cruz cun Cristo crucificado, que leva coroa de espiños e nimbo crucífero, e que está sinalando co índice da man dereita.. A bóveda é plana e o tellado a catro augas. A cruz é cuadrangular con brazos con mediacana e remates en bolas. Este cruceiro foi debuxado por Castealo no seu libro “As cruces de pedra na Galiza”.