Cruceiro de Abuín

Tamén coñecido como o Cruceiro da Aldea Maldita de Abuín, é de granito situado ao noroeste do lugar de Abuín. Está asentado directamente sobre un penedo rochoso, con fuste de sección cadrada coas arestas chafranadas. Tan só se conserva parte do capitel, de formas pouco definidas. O nome fai referencia ás historias que se contan da época da Inquisición, xa que por esta zona se agochaban ladróns tras saqueos pola zona de Cambados. Do capitel e da cruz pouco se pode dicir, xa que non se conservan na súa totalidade.