Casa reitoral de Santa María de Isorna

Casa reitoral que data do ano 1782 situada detrás da igrexa parroquial. Á finca, accédese desde o adro da igrexa, mediante un portón alintelado sobre o muro perimetral. Planta trapezoidal resultado da unión de varios volumes realizados en cachotaría de granito con cuberta a dúas augas de tella sobre estrutura de madeira. Na fachada principal destaca a escaleira e un amplo patín cuberto con emparrados. Fachada posterior con solaina. Existen varias construcións acaroadas á vivenda que conforman u patio interior.