Casa dos Cambreiros

Edificación do casco histórico de Rianxo, que data do século XVII con fronte á rúa Costiña da Igrexa, na contorna da Igrexa de Santa Comba de Rianxo.

Vivenda orixinalmente de dous andares, de planta trapezoidal e muros de cantaría de granito na fachada principal e cachotaría na fachada á finca. Engadido dunha planta superior, de estrutura de formigón e cerramento de ladrillo, actualmente en obras. A fachada principal presenta na planta baixa unha porta en arco de medio punto formado por grandes dovelas e fiestra con arco alintelado nun lateral. Destaca un escudo nobiliario no extremo esquerdo. Fachada posterior con patín sobre pilastra de granito e acceso ao segundo andar mediante unha escaleira.