Casa de Álvaro Núñez de Isorna

Durante o curso de rehabilitación que se desenrolou en Rianxo no ano 2017, un grupo de traballo localizou, no lugar de Quintáns, a casa do Arcebispo Álvaro Núñez de Isorna. Este grupo estaba composto por Alba Castrillón, arquitecta técnica pola Universidade da Coruña; Julián Moares, estudante de Enxeñería Naval na Escola Politécnica de Ferrol; Ana María García, alumna de arquitectura na Universidade de Granada; e Iria Lado, tamén estudante de arquitectura en Coruña.

A parcela na que se emprazaba a casa aínda conserva parte do muro perimetral, sendo este un terreo que foi dividido ao longo dos anos, construíndose edificacións posteriores á casa do arcebispo.

Álvaro Núñez de Isorna foi un arcebispo que se trasladara de Santiago a Salamanca, e que actuou como unha especie de conselleiro legal da monarquía de Xoán II de Castela, no século XV. Críase que era natural de Santiago de Foz, mais xa se recollía a posibilidade de que existise un pazo en Quintáns, cuestión que explicaría o topónimo da parroquia de Isorna.